6 Ağustos 2015 Perşembe
Bill GEYS
1. Həyat ədalətli deyil – bu fikrə nə qədər tez öyrəşsəniz, o qədər yaxşı olar.
2. Sizin özünüzü necə dəyərləndirməyiniz heç kimin vecinə deyil. Siz özünüzə əmin olana qədər dünya sizdən bir işi sonacan etməyinizi tələb edəcək.
3. Məktəbi bitirən kimi ilə 60 min dollar qazana bilməyəcəksiniz. Əlində mobil telefonla maşına minən şirkət vitse-prezidenti olmaq üçün onların hər ikisini qazanmalısınız.
4. Düşünürsünüz ki, müəllimləriniz qəddar və kobuddur? Müdiriniz olanda nə düşünəcəyiniz maraqlıdır.
5. Hamburger satmaq qürurunuza toxunmasın. Babalarımız hamburger satmağı başqa cür adlandırırdı – şans!
6. Səhv edəndə günahı ata və analarınızın üzərinə atıb mızıldanmayın. Səhvlərinizdən dərs çıxarmağı bacarın.
7. Siz doğulana qədər valideynləriniz belə zəhlətökən deyildi. Onlar sizin hesablarınızı ödədikcə, paltarınızı yuduqca, özünüz haqda ağızdolusu danışmağınıza qulaq asdıqca belə olublar. Ona görə də dünyanı “valideyninizin nəslindən olanlar”dan qurtarmaq istəyirsinizsə, təmizliyə öz otağınızdan başlayın.
8. Bəzi məktəblərdə pis qiymət yox, düzgün cavab tapana qədər səhv etmək imkanı verilir. Bunun həyatla heç bir əlaqəsi yoxdur.
9. Həyat semestrlərə bölünməyib. Sizin yay tətilləriniz olmayacaq. Çox az müdir (işverən) özünüzü tapmağınızda maraqlıdır. Bunu öz hesabınıza edin.
10. Televiziya real həyat deyil! Real həyatda insanlar işləyir, hər şey kafedə kofe içən zaman baş vermir.
11. Dəlilərə, ağıldan kəmlərə yaxşı davranın. Bir gün onlardan birinə işləyəcəyiniz istisna deyil.
Mən balaca olanda, 40 yaşlı adamlar mənə qoca görünürdülər. Mən indi illərin yükünü hiss etmirəm, amma üzümdə qırışlar hiss edirəm. Çox gülmüşəm. Özümü ruhən 25 yaşında hiss edirəm. Amma içkini atmışam. Məncə, uşaqları olan adam içməməlidir. Mən öz uşaqlarımın xatirinə daha çox yaşamaq istəyirəm. Onlarla qaçmaq istəyirəm.
Uşaqlarımı böyüdərkən, əsas bir şeyi öyrəndim: İnsanın qaydaları olmalıdır. İnsan, günahkar olduğu halda məsuliyyətli olmalı və günahkar olduğunu etiraf etməlidir. Beləcə uşaqlar, sənin etiraf etdiyini biləcək və etiraf etməyi öyrənəcəklər. Məsələn, onlara deyirəm ki, insanları narahat etməyin. Açığı bu, qızlarım uşaq olarkən onlara ən çox verdiyim nəsihətdir.
Övladlarımı güldürürəm. Qəribə hərəkətlər edirəm və onlara saflığın gözəl olduğunu göstərirəm. Məncə uşaqları güldürmək lazımdır. Düşünəcək çox şey yoxdu. Əcaib-qəraib hərəkətlərlə başlaya bilərsiniz. Onları həqiqətən güldürəcək hər şey işinizə yarayacaq.
İlk dəfə ölümü düşündüyüm an ilk qızımın dünyaya gəldiyi andır.
Daha az insanla əylənməyə üstünlük verirəm. Uşaqlarıma və həyat yoldaşıma aşiqəm. Dostlarım tez-tez bizə gəlir. Uşaqlarım yanımda mümkün qədər çox olmağa çalışırlar. Birlikdə axşam yeməyi yeyib, yaxşı vaxt keçiririk.
Filmlərdə rol oynamağa başlayanda, qaça bilmirdim. Cəld tərpənə bilmirdim, yumruq ata bilmirdim. İdmana başladıqdan sonra, rollarımı daha yaxşı oynamağa başladım.
Mən bilirəm, məşhur olmaq nə deməkdir. Və bunun hesabına mən həm də əsl dostluğun nə olduğunu bilirəm. Mənim dostlarımın əksəriyyəti mənim kasıb vaxtlarımdan qalanlardır. Onlar bir nəfər kimi mənim indiki vəziyyətimə ciddi yanaşmamağıma kömək olurlar.
İnsan həyatı təxminən belə bir rəsmə bənzəyir: o doğulur yeriməyə başlayır, güclənir, sonra yaşlanır, beli bükülür, ayaqları tutmur… İnsan bu tablonu otağında asmalı və hər gün qalxanda özünün hansı yerdə olduğunu görməlidir. Onda insan biləcək ki, nə qədər ömrü qalıb və vaxtını boş yerə xərcləməməlidir. 90 il yaşasan da, həyat qısadır. O həyatı dolğun yaşamaq lazımdır. Hər dəqiqənin, hər anın qədrini bil, sonra bir gün gözünü açanda görəcəksən gecdir. Mən əminəm ki, bütün insanlar üçün ölüm gözlənilməz gəlir.
1. Uşaq vaxtı özümü çox tənha hiss edirdim; hələ də elə hiss edirəm, çünki bəzi şeyləri bilirəm və bunları heç bilməyən, ya da bilmək istəməyən insanlara bəzi ipucları verməyə çalışıram. (Karl Qustav Jung)
2. Övladlarınızı dövrünüz üçün deyil, onların dövrü üçün yetişdirin. (Hz.Əli)
3. Uşaqları yaxşı böyütməyin ən yaxşı yolu onları sevindirməkdir. (Oskar Uayld)
4. Uşağa gözəl ad qoymaq lazımdır ki, həyat boyu xəcalət çəkməsin. (Nəsrəddin Tusi)
5. Uşağını itirən ana üçün hər gün ilkdir; yarası heç vaxt qaysaqlamaz. (Viktor Hüqo)
6. Uşaqların nəsihətdən çox yaxşı nümunəyə ehtiyacı var. (Jozef Jubert)
7. Uşaq olanda anam mənə deyirdi ki, əsgər olsan, general olacaqsan, keşiş olsan, papalığa qədər yüksələcəksən. Amma mən rəssam oldum və Pikasso olaraq qaldım. (Pablo Pikasso)
8. Kimsə həyatı boyu böyük uşaq kimi qalmayıb, ciddi, ağıllı və məntiqli biri olsa, dünyanın çox işinə yarayar və yaxşı vətəndaş ola bilər, amma dahi ola bilməz artıq. (Artur Şopenhauer)
9. Uşağa və donuza istədiyi hər şeyi versəniz, nəticədə çox yaxşı donuzunuz və çox pis uşağınız olar. (H.Jekson Braun)
10. Əgər siz uşaqlarda dəcəllik hissini öldürsəniz, heç vaxt müdrik insan yetişdirə bilməzsiniz. (Jan Jak Russo)
11. Unutmayın, uşaqlarınız sizin deyil. Onu Yaradandan borca götürürsünüz. (Hindu atalar sözü)
12. Uşaqlara susmağı öyrədin, danışmağı onlar özləri də bacarar. (Benjamin Franklin)
Əvvəl mən deyirdim: «Mən ümid edirəm ki, hər şey dəyişəcək». Sonra mən anladım ki, hər şeyin dəyişməsinin bir yolu var – mənim özümün dəyişməyi. Cim Ron
Uğursuzluq – hər şeyi yenidən başlamaq imkanıdır, amma daha müdrikcəsinə. Henri Ford
Əgər problemi həll etmək mümkündürsə, narahat olmağa dəyməz. Əgər problem həll edilməzdirsə, onda narahat olmağa ehtiyac yoxdur. Dalay Lama
Siz çox istedadlısınız və çox səy göstərirsiniz. Amma başa düşməlisiniz ki, bəzi nəticələri əldə etmək üçün vaxt lazımdır. Məsələn, siz hətta 9 qadını hamilə qoysanız, 1 aydan sonra ata olmağınız mümkün deyil. Uorren Baffet
Həyatda bir dəfə bəxt insanın qapısını döyür, amma insan həmin vaxtı yaxınlıqdakı pivəxanada oturur və heç bir qapı səsi eşitmir. Mark Tven
Bizim ən böyük çatışmazlığımız ondadır ki, biz çox tez vaz keçirik. Uğura gedin yol yenidən cəhd etməkdən keçir. Tomas Edison
Mən şəxsən çiyələklə qaymaq yeməyi sevirəm. Amma balıqlar qurd sevir. Ona görə də balıq tutmağa gedəndə mən öz sevdiyim yemək haqda deyil, balığın sevdiyi yemək haqda düşünürəm. Deyl Karnegi
Səhər oyananda özündən soruş: “Mən nə etməliyəm”. Gecə yatanda özündən soruş: “Mən nə etdim?” Pifaqor
Bədbəxt, uğursuz, xoşbəxt və sağlam olmayan o adamdır ki, o tez-tez “sabah” sözünü işlədir. Robert Kiyosaki
Yaşlılar həmişə cavanlara məsləhət görür ki, pula qənaət edin. Bu pis məsləhətdi. Beş qəpikliklərə qənaət etməyin. Özünüzə maya qoyun. Mən 40 yaşıma qədər bir dollara da qənaət etməmişəm. Henri Ford
Mən bunu istəyirəmsə, deməli bu olacaq. Henri Ford
Mən məğlubiyyətlərə dözmürdüm. Mən sadəcə 10 min yol tapırdım, hansılar ki, heç vaxt işləmirdi. Tomas Edison
Ağır iş, sizin indiyə kimi görmədiyin yüngül işlərin cəmidir. Con Maksvell
Mənim çıxartdığım və hər zaman əməl etdiyim bir dərs var, cəhd etmək, cəhd etmək, yenə də cəhd etmək! Və heç vaxt təslim olmamaq! Riçard Brenson
Əgər heç vaxt malik olmadığın bir şeyə malik olmaq istəyirsənsə, heç vaxt etmədiyin bir şeyi etməlisən. Koko Şanel
İtaliya – təkcə Avropa sivilizasiyasının beşiyi, İntibah dövrü dahilərinin vətəni və çəkməyə bənzər ölkə deyil, həm də müdrik fikirlər anbarıdır.
İtalyan atalar sözləri :
1. Oyun qurtaranda şah da, piyada da eyni qutuya qoyulur.
2. İntiqam – soyuq verilən yeməkdir.
3. Qoyunla yüz il yaşamaqdansa, şirlə bir gün yaşamaq yaxşıdır.
4. Qonaq balıq kimidir, 3 gündən sonra iylənməyə başlayır.
5. Ay Allah, sən məni dostlarımdan qoru, düşmənlərimlə özüm baş çıxaram.
6. Özünü tanıyan dünyanı da tanıyar.
7. Sən istəyirsənsə, mümkünsüz heç nə yoxdur.
8. Şərab və dost köhnə deyillərsə, bir qəpiyə də dəymirlər.
9. Yalan danışırsansa, lakonik ol.
10. Axmaqlara hərdən döz, bəlkə nəsə onlardan öyrəndin. Ancaq heç vaxt onlarla mübahisə etmə.
11. Hava, ər və oğul – təxmin elədiyin kimi olurlar.
12. Qadınla mübahisə etməyin iki üsulu var. Amma heç biri işə yaramır.
13. Uzunqulaq doğulan at kimi ölə bilməz.
14. İstəyirsənsə, səni qiymətləndirsinlər – öl.
15. Evlənəndə və at alanda gözlərini yum və Allaha həvalə et.
16. Heç kim tənha olmaq istəmir, hətta cənnətdə belə.
17. Hər şey Allahdandır, qadından başqa.
18. Pullu olmaq kifayət deyil, gərək onu xərcləməyi də bacarasan.
19. Ancaq əsl dost üzünün çirkli olduğun deyə bilər.
20. Problem sənə toxunana qədər ona toxunma.
21. Dünya səbirlilərə məxsusdur.
22. Çayın dərinliyini hər iki ayağınla yoxlama.
23. Xoruzların susduğu, toyuqların qışqırdığı hində sülh olmaz.
24. Başqasının məsləhətini ya al, ya da imtina et. Ancaq heç vaxt özününkündən dönmə.
25. Düzgün yol heç vaxt uzun olmaz.
26. Pivə içən yüz il yaşayar.
27. Qara toyuq da ağ yumurta yumurtlayır.
28. İnsanı kitablardan çox illər dəyişdirir.
29. Sevgini, alovu və öskürəyi insanlardan gizlətmək olmur.
30. Sevgi müharibəsində gedən qazanır.
Ölüm insanı hər cür borcdan azad edir, bircə şərəfsiz ölüm günahı onun üzərindən götürə bilməz. (Mişel Monten)
Ölüm böyük itki deyil. Böyük itki, yaşayarkən içimizdə ölənlərdir.(Robin Şarma)
Ölüm — yolçunun dincəlməsi, bütün səylərinin sonudur. (Umberto Eko)
İnsanların çoxu həyatının sonunda geriyə dönüb baxdıqları zaman fasilələrlə yaşadıqlarını görürlər. Təqdir etmədən və zövq almadan keçib gedən şeyin əslində həyatları olduğunu gördüklərində təəccüblənirlər. Beləcə, ümidlərlə aldadılan insan ölümün qucağına qaçar. (A.Şopenhauer)
Ölümün olduğu dünyada hər şey qeyri-ciddidir. (Franz Kafka)Dogulmaq olmək ucundur
Həyat daha absurd olduqca ölüm daha ağır olur. (J.P.Sartr)
Ölümdən niyə qorxursan, qorxma, əbədi varsan (Yunus Əmrə)
Harada olursunuzsa-olun, hətta uca (möhkəm) qalalar içərisində olsanız belə, ölüm sizi haqlayacaq. (Qurani Kərim)
Ey həyat, ölümə minnətdar ol! Səni ona görə sevirəm. (Blez Paskal)
Ölüm var ki, həyat qədər dəyərli, Həyat var ki, ölümdən də zəhərli. (H.Cavid)
Doğulduğum gündə də öldüm. (İmam Əli)
Doğulmaq ölmək üçündür. (Məhəmməd Peyğəmbər)
Ölüm olmasaydı, həyat bütün gözəlliyini itirərdi. (Qoqol)
Ölüm kişidirsə, axıra qədər ona qarşı olmaq lazımdır, qadındırsa, axırıncı saniyədə onu boşamaq lazımdır. (Müəmmər əl-Qəzzafi)
Şərəfli ölüm şərəfsiz həyatdan yaxşıdır. (Qətran Təbrizi)
Ölüm haqqında düşünmək ölümdən də dəhşətlidir. (Boeçiy)
Ölüm hər halda insanlıq üçün, xüsusilə ürəkləri gələcəyin ümidi ilə, parlaq və işıqlı gələcəyin ümidi ilə dolu olan əqidə sahibləri üçün xoşa gələn deyildir. (Xosrov Ruzbeh)
Yaxşı ölmək özü də bacarıq tələb edir. (Xosrov Ruzbeh)
Ölüm həyatın ən yaxşı ixtirasıdır. Dəyişikliklərin səbəbidir. O, yeniyə yol vermək üçün köhnəni təmizləyir. (Stiv Cobs)
Var olduğumuz müddətcə ölüm ortada yoxdur; ölüm gəldiyi anda da biz artıq yoxuq. (Epikür)
Kaydol:
Kayıtlar (Atom)